OFFERYNNAU STATUDOL CYMRU
2014 Rhif 595 (Cy. 71)
trafnidiaeth, cymru
Gorchymyn Pwyllgor Defnyddwyr Trafnidiaeth Gyhoeddus Cymru (Diddymu) 2014
NODYN ESBONIADOL
(Nid yw’r nodyn hwn yn rhan o’r Gorchymyn)
Mae'r Gorchymyn hwn yn diddymu Pwyllgor Defnyddwyr Trafnidiaeth Gyhoeddus Cymru, a sefydlwyd o dan erthygl 3 o Orchymyn Pwyllgor Defnyddwyr Trafnidiaeth Gyhoeddus Cymru (Sefydlu) 2009 yn rhinwedd adrannau 8 a 9 o Ddeddf Trafnidiaeth (Cymru) 2006.
Nid oes unrhyw asesiad effaith rheoleiddiol wedi ei baratoi mewn perthynas â'r offeryn hwn gan na ragwelir unrhyw gost i fusnesau na’r sector gwirfoddol.
OFFERYNNAU STATUDOL CYMRU
2014 Rhif 595 (Cy. 71)
TRAFNIDIAETH, CYMRU
Gorchymyn Pwyllgor Defnyddwyr Trafnidiaeth Gyhoeddus Cymru (Diddymu) 2014
Gwnaed 12 Mawrth 2014
Gosodwyd gerbron Cynulliad Cenedlaethol Cymru 13 Mawrth 2014
Yn dod i rym 15 Ebrill 2014
Mae Gweinidogion Cymru, drwy arfer y pwerau a roddwyd i Gynulliad Cenedlaethol Cymru gan adrannau 8 a 9 o Ddeddf Trafnidiaeth (Cymru) 2006([1]), ac a freiniwyd bellach ynddynt hwy([2]), yn gwneud y Gorchymyn a ganlyn:
Enwi, cychwyn a chymhwyso
1.—(1) Enw'r Gorchymyn hwn yw Gorchymyn Pwyllgor Defnyddwyr Trafnidiaeth Gyhoeddus Cymru (Diddymu) 2014 a daw i rym ar 15 Ebrill 2014.
(2) Mae'r Gorchymyn hwn yn gymwys o ran Cymru.
Dehongli
2. Yn y Gorchymyn hwn—
ystyr “Gorchymyn 2009” (“the 2009 Order”) yw Gorchymyn Pwyllgor Defnyddwyr Trafnidiaeth Gyhoeddus Cymru (Sefydlu) 2009([3])
Diddymu Pwyllgor Defnyddwyr Trafnidiaeth Gyhoeddus Cymru
3.—(1) Mae Pwyllgor Defnyddwyr Trafnidiaeth Gyhoeddus Cymru a sefydlwyd o dan erthygl 3 o Orchymyn 2009, wedi ei ddiddymu; a
(2) mae Gorchymyn 2009 drwy hyn wedi ei ddirymu.
Edwina Hart
Gweinidog yr Economi, Gwyddoniaeth a Thrafnidiaeth, un o Weinidogion Cymru
12 Mawrth 2014